انجمن تاجران یونین باغ کی باڈی تحلیل ہونے کے بعد ایک پینل کی جانب سے چیف الیکشن کمشنر پر اعتراض کی وجہ سے ان کے خلاف عدالت سے حکم امتناعی لے رکھا تھا جو کل خارج کر دیا گیا اس سلسلے میں جلد انتخابات کے انعقاد کیلئے سابق صدر انجمن تاجران باغ حافظ محمد طارق نے باغبان پینل کے زیراہتمام تاجران کا ایک مشاورتی اجلاس بلایا جس میں تاجران کی رائے کے بعد دیگر پینلز سے معاملہ فہمی کیلئے ایک کمیٹی بھی تشکیل دی جبکہ تاجران سے خطاب کرتے ہوئے انہوں نے کہا کہ اگر مزید انتخابات کو التواء میں رکھنے کیلئے اگر کوئی ہتھکنڈے استعمال کئے گئے تو ہم میڈیا کی موجودگی میں تمام تاجران سے اوپن ریفرنڈم کروائیں گے اور پھر چارج سنبھالیں گے کیونکہ باغ کے تاجران کے حقوق کا تحفظ ہماری اولین ترجیح ہے اور اس معاملے میں مزید تاخیر نہیں برتی جائے گی۔
