سب سے پہلے تو مجھے اپنی کوتاہ نگاہی
کا اعتراف کرنے دیجئے کہ ایم کیو ایم کے خلاف چند روز قبل اچانک "لانچ"
ہونے والے برق رفتار آپریشن اور اس کے فالو اپ میں سامنے آنے والی "صولت
مرزا ایپی سوڈ" کے پیچھے کارفرما اصل "حکمت عملی" کو پہچاننے میں ہم ناکام
رہے اور اس کا تعلق امریکہ کے اشارہ ابرو پر "داعش" کے ساتھ طالبان طرز کے
کسی نئے "مذاق راتی کهیل" کی پردہ پوشی سے جا جوڑا، جس میں شاید ابھی کچھ
دیر باقی ہے ..
عقدہ کھلا صاحبو، تو اس خبر سے جس کے مطابق "اسٹیٹ
آن رینٹ" کی "آرمی آن رینٹ" السعودیہ کے ساتھ کامیاب "سودا بازی" کے نتیجے
میں یمن کی سعودی نواز حکومت کے خلاف برسر پیکار باغیوں کی سرکوبی کیلئے
اپنے جیٹ طیاروں سمیت باقاعدہ کارروائی کا آغاز بهی کر چکی ہے ..
آپ نے دیکھا پیارے قارئین کہ بریگیڈیئر ضیاع الحق کی قیادت میں "اسلامی مملکت" اردن کی "حفاظت" کیلئے اس کے "ناہنجار دشمن" فلسطینی مسلمانوں کو سبق سکھانے جیسی شاندار کارکردگی سے شروع ہونے والا ہمارا "بزنس" پڑوسی ملک افغانستان میں سوویت یلغار کو روندنے کے بدلے ڈالر بٹورنا ہوا، کتنی کامیابی سے اب پهر مشرق وسطیٰ کے ریال اور دینار تک رسائی حاصل کر چکا ہے ..
امید واثق ہے کہ ریاست الباکستان کی اس تازہ ترین "کاروباری پیش رفت" نے عقل والوں پر امریکہ بہادر سے معاہدہ کے بعد وصول کردہ اربوں ڈالرز کے عوض طالبان نامی اپنے دائمی "تذویراتی اثاثہ جات" کے خلاف جاری "ضرب عضب" نامی ڈرامے کی حقیقت بهی خوب آشکار کر دی ہوگی ..
"مملکت خداداد" کو عالم اسلام کی واحد ایٹمی طاقت قرار دے کر پوری "ملت اسلامیہ" کی حفاظت کے دینی فریضہ کا "ٹھیکہ" بخشنے والے "غزوہ ہند" کے الہامی فرشتوں کو البتہ اب یا تو فلسطینی بهائیوں اور یمنی باغیوں کو طالبان کے ہاتھوں کام آنے والے 60000 سے زائد پاکستانیوں کی طرح "امریکی ایجنٹس" ثابت کرنے کے "ازخود" اختیارات استعمال کرنا پڑیں گے یا پھر "ملت اسلامیہ" کی لغت میں ترمیم کر کے اس خطاب و اعزاز کی ریزرویشن صرف اور صرف "سلفی و وہابی مسلمین" کیلئے کنفرم کرنے کی خاطر "اجتہاد" کی زحمت اٹھانا پڑے گی ..
عنوان بشکریہ : محمد شہزاد شفیع
آپ نے دیکھا پیارے قارئین کہ بریگیڈیئر ضیاع الحق کی قیادت میں "اسلامی مملکت" اردن کی "حفاظت" کیلئے اس کے "ناہنجار دشمن" فلسطینی مسلمانوں کو سبق سکھانے جیسی شاندار کارکردگی سے شروع ہونے والا ہمارا "بزنس" پڑوسی ملک افغانستان میں سوویت یلغار کو روندنے کے بدلے ڈالر بٹورنا ہوا، کتنی کامیابی سے اب پهر مشرق وسطیٰ کے ریال اور دینار تک رسائی حاصل کر چکا ہے ..
امید واثق ہے کہ ریاست الباکستان کی اس تازہ ترین "کاروباری پیش رفت" نے عقل والوں پر امریکہ بہادر سے معاہدہ کے بعد وصول کردہ اربوں ڈالرز کے عوض طالبان نامی اپنے دائمی "تذویراتی اثاثہ جات" کے خلاف جاری "ضرب عضب" نامی ڈرامے کی حقیقت بهی خوب آشکار کر دی ہوگی ..
"مملکت خداداد" کو عالم اسلام کی واحد ایٹمی طاقت قرار دے کر پوری "ملت اسلامیہ" کی حفاظت کے دینی فریضہ کا "ٹھیکہ" بخشنے والے "غزوہ ہند" کے الہامی فرشتوں کو البتہ اب یا تو فلسطینی بهائیوں اور یمنی باغیوں کو طالبان کے ہاتھوں کام آنے والے 60000 سے زائد پاکستانیوں کی طرح "امریکی ایجنٹس" ثابت کرنے کے "ازخود" اختیارات استعمال کرنا پڑیں گے یا پھر "ملت اسلامیہ" کی لغت میں ترمیم کر کے اس خطاب و اعزاز کی ریزرویشن صرف اور صرف "سلفی و وہابی مسلمین" کیلئے کنفرم کرنے کی خاطر "اجتہاد" کی زحمت اٹھانا پڑے گی ..
عنوان بشکریہ : محمد شہزاد شفیع