پتر ہڑپے دا (پنجابی نظم)

It was 1991. I was at the University of Sheffield and studying and searching the Indus Valley Civilization and how it was looted by the Foreign invaders, Aryans, Mughals, British etc. I started thinking that I, one of the sons of soil of Indus Valley was also a victim of External Invaders, then following Poem was revealed in the Punjabi Language as a "Son of Harrappa."

اجڑے پنجاب تے اجڑی پجڑی نظم

ایہہ میرا ہڑپہ میرا سی

ایتھے وگدیاں ددھ دیاں نہراں سن

ہر پاسے لہراں بہراں سن

ایتھے تھاں تھاں میلے لگدے سن

گبھرو مٹیاراں سج دے سن

ایتھے رہندا نت سویرا سی

ایہہ میرا ہڑپہ میرا سی

۔۔۔۔۔۔۔

ایہناں آریاں مغل چوغتیاں نے

ابدالیاں تے انگریزاں نے

مینوں عرش توں فرش تے سٹیا اے

میرا سب خزانہ لٹیا اے

ایہناں دھرتی لیر و لیر کیتی

وکھ رانجھے توں ایہناں ہیر کیتی

ایہناں دتا صرف ہنیرا اے

ایہہ میرا ہڑپہ میرا اے

۔۔۔۔۔۔۔

مینوں آکھدے ہنھ مصلی نیں

کرمو دا پت متلی نیں

میں اصلی وارث پنجاب دا ہاں

راوی تے چناب دا ہاں

اساں ہن قبضہ واپس لینا اے

اجڑیا دیس وساؤنا اے

ایہہ قرض! اگلیاں پچھلیاں نسلاں دا

اگے ودھ کے ہن چکاؤنا اے

اساں ہڑپہ فیر وساؤنا اے

ہن کامے ڈانگاں کڈھن گے

تے سارے چور لٹیرے 

ساڈے اگے لگ کے بجھن گے

ایس دھرتی دے اصلی وارث

رجھن گے تے گجھن گے

فیر تھاں تھاں میلے لگن گے

فیر گبھرو مٹیاراں سجن گے

۔۔۔۔۔۔۔۔۔

ایہہ میرا ہڑپہ میرا سی

ایہہ میرا ہڑپہ میرا اے